Բարի գալուստ Lifetime բլոգ: Սեղմիր Like կոճակը և հետևիր իմ գրառումներին:

Sunday, March 29, 2015

«Խոհանոցը պետք է փոխարինել Ֆորմուլա մեկի բոքսով» կամ Շալանդի ապուրը փչացրեց մեր ախորժակը

Երբ ամիսներ առաջ Հյուսիսային պողոտայում հանդիպեցի մսյո Շալանդին, հաջողություն մաղթեցի ասելով, որ Հայ ազգը հավատում է իր ուժերին և մենք մեծ սպասումներ ունենք: 
Անցան ամիսներ, ապուրներ, աղցաններ... Մսյո Շալանդը եփեց-եփեց և այդպես էլ չստացավ այն աղցանը, որին այդքան բոլորս սպասում էինք: Իսկ դրա համար նա ուներ բոլոր նախադրյալները: Ալբանացիների հետ խաղը փաստեց, որ եռաց Շալանդի խոհանոցի վերջին ապուրը և կրկին անհաջող: Այս մրցափուլում մեր հավաքականը կրկին մնաց ձեռնունայն, որքան ցավալի է դա տեսնել ու զգալ, չէ որ մենք կարող էինք հաղթանակով ավարտել համարյա թե բոլոր հանդիպումները: Մեր տղաները դուրս գալով խաղադաշտ հասնում են հաջողության՝ գոլ են խփում և կորցնում խաղի ղեկը: Դա այդքան էլ ճիշտ բնորոշում չէ, ավելի ճիշտ կլինի ասել, որ Շալանդն է կորցնում խաղի շերեփը և չես հասկանում թե ինչի մասին է այդ պահին մտածում: Ալբանացիները պայքարեցին մինչև վերջ, և հասան նրան ինչին պետք է հասնեինք ՄԵՆՔ: Սակայն, մսյո Շալանդի խոհարարական հոտառությունը կրկին մեզ ձեռնունայն թողեց: Կխնդրեմ չասել թե Մրցավարն էր մեղավոր, թե կարմիր քարտն էր պատճառը: Մրցավարը ցանկության դեպքում մի քանի տասնմեկ մետրանոց էլ կնշանակեր մեր դարպասին, սակայն դա բարեբախտաբար տեղի չունեցավ
Շալանդը կարծես մոռանում է, որ կարելի է փոփոխություններ անել: Չի նկատում դաշտում հոգնած ֆուտբոլիստներին որոնց անհրաժեշտ է փոխարինել: Շալանդը փոխարինումների մասին հիշում է միայն այն ժամանակ երբ վնասվածք է ստանում խաղացողներից մեկը, կամ արդեն հույս չի լինում ինչ-որ մի բան փրկելու: Դա փաստ է:
Ալբանացիների հետ խաղն ապացուցեց, որ մսյո Շալանդը տեղ չունի Հայաստանի Հավաքականի խոհանոցում և ժամանակն է խոհանոցը փոխարինել Սրընթաց մեքենայի բոքսով, որտեղ կղեկավարի հմուտ մեխանիկ:
Հանդիպման լավագույններից մեկը Գայել Անդոնյանն էր, ով այս թիիմի հենասյուններից մեկն է դառնալու, նրան մեծ ապագա է սպասվում համաշխարհային ֆուտբոլում: 
Կորյանին անհամեմատ շուտ էր պետք դուրս բերել խաղադաշտ, փոխարինելով Մովսիսյանին: Կորյանն իր հերթին շատ ավելի մոտիվացված էր և շատ ավելի նպատակասլաց քանց թե Յուրան երկրորդ խաղակեսում: 
Ահա այսպես պարտվեցինք: 
Կարծում եմ խաղային պրակտիկան, ոչ թե մեր ֆուտբոլիստներին է պակասում այլ հենց մարզչին, տարին 5-6 խաղ ղեկավարելով լավ մարզավիճակում լինել հնարավոր չէ: ժամանակին պրակտիկա կար, որ Հավաքականի գլխավոր մարզիչը մարզում էր բարձրագույն խմբի հանդիպումներից մեկը: Ինչը ավելի շատ խաղի մեջ լինելու հնարավորություն էր տալիս: Կարելի է փորձել կրկին: Միգուցե ստացվի:
Այսօր Շալանդին պահելով հավաքականի ղեկին կցուցադրենք մեր համակերպվածությունն այս անելանելի վիճակի հետ: Մենք համաձայն չենք այս արդյունքի հետ և մեզ ագրեսիվ, արագ ու նպատակասլաց ֆուտբոլ է պետք: 
Կհանդիպենք հունիսին, Երևանում, եկեք հաղթենք պորտուգալացիներին !!

Monday, March 23, 2015

«Ռադիոֆուտբոլի» եթերում | Barca vs. Real Madrid «El Clasico»

Հերթական «Էլ Կլասիկոն» տեղի ունեցավ Կատալոնիայի «Կամպ Նոու»  մարզադաշտում: Համառ պայքարի և դեղին քարտերի առատության պարագայում ավելի պինդ գտնվեցին Կատալոնական ակումբի ֆուտբոլիստների նյարդերը:
Ինչևիցե, «Էլ Կլասիկոյի» արդյունքը չէ, որ ստիպեց ինձ հեղինակել այս գրառումը, այլ մեկ այլ իրադարձություն, որը տեղի ունեցավ Երևանում: Ռադիո «Վան»-ի «Ռադիոֆուտբոլ» ուղիղ եթերում հանդիպեցին Մադրիդի Ռեալի և Բարսայի երկրպագուները: Հետաքրքիր  ֆուտբոլային եթեր ստացվեց, որից բոլորս էլ բավականություն ստացանք:
Բոլոր նրանք ովքեր չեն կարողացել դիտել կամ լսել հաղորդումը, կարող են ձայնագրությունը դիտել ՀԵՆՑ ՀԻՄԱ !

Sunday, March 15, 2015

ՀԴՄ կտրոնների 2015թ. ՓԵՏՐՎԱՐ ամսվա շահող կտրոնների խաղարկություն

2015թ. ՄԱՐՏԻ 15-ին կայացավ ՀԴՄ Կտրոնների 2015թ. ՓԵՏՐՎԱՐ ամսվա խաղարկությունը:

Ինչպես նաև նախորդ ամիսներին, այս ամիս ևս շահում են 4 թվի համընկնումով կտրոնները: Այսուհետ շահումը լինելու է միայն բջջային հեռախոս: Իսկ 5 , 6 , 7 , 8 թվերի համընկնմամբ կտրոնների շահումը` ավտոմեքենա: 4-ից քիչ համընկնումներով կտրոնները շահում չունեն: Շահող Թվերն են.

76372077

ՀԴՄ կտրոնների 2015թ. ՓԵՏՐՎԱՐ ամսվա շահող ՀԴՄ կտրոնների խաղարկություն:

Ինձ համար իմ «պառավ յարը» թանկ է թանկ կամ «TSU»-ն եկավ մեր բակը:

Վերջին օրեին համացանցի (մասնավորապես ֆեյսբուք սոց.ցանցի) օգտատերերի ջանը նոր ցեց է ընկել, ցեցին անունն էլ ոչ ավել որ պակաս «TSU» է: Շատերը այն անվանում են «Ցու», ոմանք՝ «Սյու», ոմանք էլ՝ «Թսու»: 

tsu.co-ն սոցիալական համեմատաբար նոր հարթակ է յուրատեսակ վճարման համակարգով, որը գովազդներից ստացված գումարի 90%-ը խոստանում է կիսել օգտատերերի հետ: Մի խոսքով դու ստեղծում եք կոնտենտ, որը գումար է բերում, գումարի 10%-ը գնում է սոց.ցանցին իսկ 90%-ը բաժին է հասնում օգտատերերին: Գլուխներդ երկար չցավեցնեմ, ում ավելի հետաքրքիր ա կարող եք այցելել Ցուենց կայք ու կարդալ՝ https://www.tsu.co/faq:  

Ու ստեղ Հայ ազգը լսելով, որ ես Ցուի մեջ փող կա, սկսումա խոպանի գործընթացը: Սակայն խոպան գնալու համար հատուկ վիզա է անհրաժեշտ լինում: Ու տեղ պարզվում ա, որ վիզա կարող է հանդիսանալ մեկ այլ գրանցված օգտատիրոջ կողմից տրված լինկը (vk-ն էլ ժամանակին մի պահ սենց քայլ արեց): Մի խոսքով Ցուն եկավ, ու սկսեց Ցուկի մոտից օգտատերեր տանել: Ֆեյսբուքահայությունը բռնեց քաղթի ուղին ու գնաց հեշտ փողերի հետևից, որը չես կարա ասես շոշափելի կլինեն մի օր թե ոչ: Մի նոր Qnet կարծես լինի, ուղղակի վիրտուալ ու մի քիչ ադապտացված տվյալ միջավայրին:
Անձամբ ես չեմ շտապում ավելացնել իմ անունը Ցուեցիների շարքում ու մնում այս հարցում պահպանողական: Ոչ ուզում եմ նման բանի վրա ժամանակ կորցնեմ, ոչ էլ մի տեղ ավել գրանցված լինելու հավես կա: ՖԲ-ն քանի կա Ցուն ինչի՞ս ա: Դրա տեղն ավելի լավա իմ զառամյալ բլոգում մի պոստ կգրեմ: Հա ի՞նչ անենք, որ հենց Ցուի մասին: