Հայաստանի ուսանողական ֆորումի նախաձեռնությամբ և մի շարք հասարակական կազմակերպությունների աջակցությամբ ապրիլի 23-ին ժամը 13:00-ին Կոմիտասի անվան պանթեոնում տեղի կունենա երթ–պսակադրություն հայոց Մեծ Եղեռնի զոհերից մեկի՝ հանճարեղ երգահան Կոմիտասի շիրիմին:
Կոմիտասը մեկն էր այն բազմահազար հայորդիներից, ով ականատես եղավ Օսմանյան Թուրքիայում հայերի նկատմամբ իրականացված վայրագություններին, և չդիմացավ անասելի տառապանքներին:
Միջոցառումը տեղի կունենա ՀՀ տարբեր ԲՈՒՀերի ուսանողների մասնակցությամբ: Կոմիտասի անվան պանթեոնում հավաքվածները ծաղիկներ են դնելու մեծ երգահանի և հայրենասերի շիրիմին: Երիտասարդները չեն մոռացել հայ երգարվեստի հանճարին: Կատարվելու են Կոմիտասի անմահ մեղեդիները, որոնք, չնայած հեղինակի ստեղծագործական կյանքի վաղաժամ ավարտին, հավերժ կդասվեն հայ երաժշտության գոհարների շարքին:
Ապրիլի 24-ին, ժամը 12:00-ին, Հովհաննես Թումանյանի անվան զբոսայգուց (Կ. Դեմիրճյանի անվան մարզահամերգային համալիրի հարևությամբ) հարյուրավոր երիտասարդներ կմասնակցեն պսակադրությանը դեպի Ծիծեռնակաբերդ:
Պսակադրությանը մասնակցող երիտասարդների՝ անգլերեն կոչերով և կարգախոսներով պաստառները նպատակ ունեն արտասահմանցի երիտասարդների ուշադրությունը սևեռել 20-րդ դարի սկզբին տեղի ունեցած ամենաողբերգական իրադարձությանը՝ Հայոց ցեղասպանությանը:
Սիրով պատրաստ ենք համագործակցելու բոլոր ԶԼՄ-ների հետ:
Միջոցառումների կազմակերպչական հարցերի կոորդինատոր՝
§ՀԱՅԱՍՏԱՆԻ ՈՒՍԱՆՈՂԱԿԱՆ ՖՈՐՈՒՄ» Հետադարձ կապ՝ 094 900444 (Vako)
No comments:
Post a Comment